|
| 今個聖誕係一個冇足球ge聖誕..屌...
平安夜, 大家都開開心心慶祝, 我都有嘗試去開心咁過, 但失敗左,
我想要ge唔係咁樣, 簡簡單單咁過就係最好 一個唔簡單ge平安夜, 令我有個諗法.."一個人過仲好"
我真係一個好唔合群ge人, 唔係唔想去合, 而係真係合唔到,
我會有興趣去睇住一大班人玩, 但最好我唔係個班人ge其中一個,
我只係想有種熱鬧ge感覺, 唔需要親身去玩埋一份.
我就係咁ge人, 我就係中意自己一個...
用左好多個我字.. 係, 我係好自我中心, 我係好自閉. 再諗深一層, 其實真係中意自己一個人生活,
做咩都唔需要同人交代, 做咩都自由自在,
做出左d咩成績, 我唔需要俾人知,
其實自己一個人過, 先係切合番我本身ge性格 又再諗, 其實兩個人過都唔係太岩我,
係想有個人可以住係自己心入面, 係想照顧另一個人, 係想果個人開心,
但做咩都要以對方感受為先, 做咩都照顧好對方先, 反而唔顧自己,
對於今時今日, 變得自我中心ge我黎講, 真係好矛盾..
究竟我係點諗, 我真係中意, 定係只係為左自己, 有時我真係分唔清 不過都冇咩所謂啦, 好快又會自己一個,
其實保留自私ge心態都唔係一件壞事,
少d倚賴, 到要自己一個個時, 心理上要承受ge空虛感會少好多,
更何況直覺覺得, 再分開, 之後合得番埋ge成數都會好低,
預左遲早要分, 到真正時刻黎到, 我可以頭也不回咁繼續行我ge路..
講得短期少少, 下年ge平安夜會係自己一個人過,
今年點過, 過得開唔開心, 都冇咩所謂, 下年開心就得啦 係, 我就係咁樣ge人, 我就係咁自私,
講到咁, 我自己都驚自己, 點解我會咁諗野...
可能係因為見過咩叫自私, 咩叫背叛, 而不知不覺建立出ge一種自我保護ge思維..
一齊為左咩? 大概只係為e一刻開心, 我諗對方都係咁諗... 所以唔開心就會即刻走, 冇謂要自己受 我必須承認自己有e種諗法,
必須承認有d野係變左質, 有好多野其實係好矛盾, 而我唔想去分清楚,
必須承認我係好不負責任,
必須承認我唔係真係咁大方,
但最重要係, 必須警惕自己咁樣ge諗法只可以係e件事上面, 其他事唔可以咁樣去處理, 要清楚堅定, 要有自己ge原則 | | |
| 尋日佢同我講話後悔, 想番轉頭...
佢真係係咁喊,
由見面, 直到最後坐低佢講晒佢要講ge野,
喊左都唔知幾多次......
真係俾佢打動到, 忍唔住同佢講, 我仲係好中意佢...
到今日, 全日都諗住佢,
心內面期望住一d事發生,
我又亂左...... 諗得多又如何, 事情唔到自己控制,
一次又一次, 已經知做人唔可以有太大期望,
同埋其實期望d咩?
傷又過過, 好又好得8899,
諗深一層, 感情事真係冇咩值得去期望,
點解要去自找麻煩, 而唔係開開心心過自己ge生活?
人地點樣做, 點樣諗, 由得佢,
自己好過先係對自己最好 講到e度, 發現自己已經習慣左一個人生活,
平時唔覺, 但經過尋日, 就發現自己同人一齊ge時候自我中心左,
覺得咩都冇所謂, 只要唔影響我就得..
隨時可以放空, 發呆..
人地講野個時, 我可以周圍睇野, 打斷人地ge說話...
我真係唔記得左點樣去拍拖lu,
拍拖係咩感覺, 都真係唔記得左,
真係冇把握可以令另一半開心,
真係好多有關ge野都唔記得, 又或者係唔想去記起啦...唔深究... 算啦, 順其自然,
兜兜轉轉, 做到好似戲咁,
我一d都唔想做男主角,
要喊, 要傷心, 要爭, 要搶, 要強人所難,
唔係我style lor...
HAHAHAHAHAHA 今日完全冇心情睇少時,
唔得ga, 要keep住高漲情緒ga,
要開番狂飯mode先!!
明天努力追post, 睇綜藝!!!
FIGHTING~! | | |
| 唔知幾時開始, 我同人溝通變得推心置腹,
父母, 朋友, 同學, 都是如此,
我咁樣ge溝通方式, 前兩者會接受到,
但對住同學, 我覺得真係嚇怕人... 一向都唔善於交際, 以前都只係可以勉強扮出一副social樣,
但今日的我卻做唔出...
我真係覺得好攰...
我搵唔到多餘ge力去諗d唔係自己真正想法ge野去同人傾 咁樣真係嚇死人, 又或者人地以為我係癲癲地個d人,
又或者係感情過份地多ge人...
事實又真係, 同你唔熟, 一傾就係心底話, 有邊個做得到, 同埋講左出黎有邊個會覺得係真係出自真心..
通常都只會當你玩野... 不過點都好, 我唔會改住, 因為真係冇能力去改, 同埋唔想改,
如果因為咁而嚇走人的話,
咁由得佢啦...
如果真係有緣可以做到朋友ge, 點都會做得到! ==================================================================== 今日睇左 "那些年",
要用黎做題材打xanga可以打幾千字,
我唔想花太多時間, 所以e+努力抑壓住發洩ge衝動.. 只可以講: 沒辦法重來的事會成為人生的遺憾, 沒有人能逃避沒辦法重來的事,
所以遺憾是一定要面對的事..
如遇到困難和失敗, 但那些事是有機會給你重新的,
那樣的失敗並不是慘事, 因為從中學習所付出的"費用"十分便宜,
反之, 沒法永遠再來一次的事, 若失敗了, 雖然付了非常貴的"費用", 亦給了你的心靈劃一刀,
但不算是慘,因為所學到的, 所令你改變的, 會是一輩子都不會忘掉, 因為那烙印會永遠提醒著你要做一個更好的人... 既然沒有辦法重來, 那就不要想太多,
忘記背後, 努力向前, 是唯一能做和要做的事,
若果有空回顧, 而又能夠作出會心微笑的反應的話,
那代表你已經成長了~ 青春是什麼?
就是為自己人生填上色彩的那個最單純, 最黃金的階段,
亦是為自己心靈作鍛鍊的時候...
擁有青春的同時, 人就會失去控制方向的權利,
它會把你推到任何方向, 如果是理想的, 那當然好..
但如果相反, 都不要太執著, 開心的面對,
面對這種事實, 會燥, 會發火, 這就對了,
因為青春就是需要這樣去燃燒的 不要再想什麼平行時空那些白痴理念,
想得多, 人都會癲...
雖然我信那時空是存在著的...... | | |
| 我知道問題出係邊...
係一路以黎, 我都冇好明確ge生活方式 !! 我根本冇一個自己生存ge方式,
好多時都係睇下人地點, 人地做d咩, 自己又學下..
但三分鐘熱度, 學冇耐就回復番hea底... 要好好咁搵下或者係習慣下自己ge生方式,
唔可以再太容易受人影響,
就算冇社交都好, 都係一種生存ge模式,
都有值得享受ge地方 係生活上最微細ge地方搵值得開心ge事物,
e樣係我e+必須要學ge野 !!
世界咁大, 每一日身邊總會有令人開心ge野,
今日我有少時, 但唔可以終日都靠佢地,
要再繼續去找尋令自己開心ge野,
咁先對得住自己, 父母, 同埋所有仲記得有我e個人存在ge人 hea足左2日半, 又係時候醒一醒啦 !!
要俾番d幹勁出黎,
至少起碼都要笑多d, 傻笑又好, 微笑又好,
心境開朗d, 睇野都唔會咁灰 !!
加油 !!
與心作伴又好, 人格分裂又好, 咩都好,
就算會成為精神病患者, e一刻點都要撐住自己,
唔可以再沉 !! through all the hard time and pain, u will have a stronger mind, FIGHTING ! | | |
| 開始獨, 開始長期一個人冇社交, 做咩都係一個人, 食飯, 番學放學..
唔需要大量朋友, 只需要心靈上同精神上可以同我一同步ge人..
好空虛...... 開始毒, 開始成日追post, 爬文, 登記埋做高登友, 準備唔單只睇, 仲要寫..
需要大量不實在ge野俾我去逃避現實, 需要搵d野黎代替真人去俾我成日關心住..
好q空虛...... 開始迷, 開始做d中小學生做ge野...迷明星..
需要大量開心ge泉源, 需要一d可以令我笑ge野, 需要搵d真人黎俾我去成日關心住..
好撚空虛...... 其實真係有好多野要做同可以做, 但就係唔知點解冇咩勁去做...
究竟咩事呢? 之前都仲有d火, 點解e+好似收左皮咁...
好無奈...有冇人可以幫下我, 成日都係得自己同自己傾計...
有咩問題都係得自己諗, 冇人同我分擔
問題自己諗完自己解決, 解決左冇人會同我分享任何喜悅...
就連少時都係得自己一個人睇, 一個人笑,
還好ge係, 有一個人會同我分享下...
咩事呀...
想點呀...
真係好憎自己..
點解e+會咁唔慣空虛孤獨ga?
點解e+唔再好似以前咁, 嚮往一個人靜靜地ge生活? e+人生得 (由重要到冇咁重要) : 少時, 屋企, 浩, 少時, 高登, 少時, 興趣, 少時, 少時, 少時, 學業
天呀, 幾時先有d新ge沖擊呀?? 加d野入我人生都得ga wor, 減少d少時都可以ga wor, 至少加番d足球俾我啦...plz... 換個角度睇, 都要多謝個天俾我遇到一樣可以成日迷俾ge野俾我, 等我唔駛咁多野諗, 又可以逃避現實!
少時萬歲!!! | | |
|